Sot, kur siguria kibernetike po bëhet si pjesë e pandashme e mbrojtjes së secilit institucion, pata kënaqësinë të debatoj dhe verifikoj arritjet e studentit të shkëlqyeshëm Donat Imeri.
Donati, i cili në kuadër të temës së diplomës me titull “Analiza e llog fajllave për ndërhyrje të sigurisë në Windows duke përdorur ML” ka trajtuar mundësitë e zbatimit të inteligjencës artificiale, respektivisht të njërës prej nën-fushave të saj të njohur si Machine Learning (ML) në fushën e sigurisë kibernetike. Machine Learning ofron mundësinë që përmes algoritmeve të ndryshme matematikore të trajnohen modele të cilat reagojnë pastaj pa pasur nevojë për ndërhyrje manuale në të dhëna të tjera të njohura ose të panjohura në procesin e trajnimit. Windows gjatë tërë kohës bëhet grumbullimi i të dhënave rreth ngjarjeve që zhvillohen në sistem. Këto ngjarje mund të jenë të iniciuara nga vet përdoruesi dhe të kenë qëllime e sjellje normale, por edhe në anën tjetër mund të ndodh që këto ngjarje të jenë iniciuar nga një palë tjetër keqbërëse e që rezulton me aktivitetet jonormale dhe të dëmshme për përdoruesin. Donati këtu ka aplikuar teknikat e Machine Learning për të realizuar një analizë më të shpejtë dhe me rezultate me të qarta që do të dërgonte drejt identifikimit të ngjarjeve jonormale (sulmeve kibernetike) në një sistem.