Ishte kënaqësi diskutimi që pata dje me studenten e shkëlqyeshme të fakultetit tonë Malsore Bublaku lidhur me të arriturat e saj në kuadër të temës së saj të diplomës së bachelorit me titull: “Zhvillimi i një vegle softuerike për injektim të paketave të shënimeve në rrjetën kompjuterike”.

Në temën saj Malsorja fillimisht ka shtjelluar modelin OSI 7 shtresor te TCP/IP protokollit, duke analizuar formatin e shënimeve dhe ndërhyrjen ne këto shënime. Për realizimin e këtyre ndërhyrjeve është zhvilluar vegla softuerike “PacketInjector” e cila mundëson tri lloje të injektimeve: (i) DNS injektimet, (ii) RST injektimet, dhe (iii) RAW injektimet (injektimet e kodit në payload të të dhënave). Disa nga veglat e përdorura janë: Python me PyCharm si IDE, KALI Linux – si sistem operativ testues, dhe Wireshark si vegël për verifikimin e paketave në rrjete kompjuterike. Zhvillimi i aplikacionit është influencuar kryesisht nga përdorimi i librarisë Scapy dhe modulit NetfilterQueue. I tërë kodi burimor mund të shkarkohet nga ky link në GitHub :https://github.com/malsorebublaku/packetInjector ndërsa tema e diplomës nga ky link https://www.docdroid.net/YUyV8ox/malsore-bublaku-punim-diplome-fff.pdf

Fakulteti ynë është ne fat që ka studente si ti, të lumtë Malsore!